Жаңалықтар мұрағаты 2021

Елбасы кітапханасының қоры «Қазақ күйлері антологиясы» басылымымен толықты. Аталмыш кітапқа бұған дейін еш жерде жарияланбаған қазақтың бес жүз күйі жинақталған. 

 «Ұлы дала тарландары» ақпараттық жобасы аясында Елбасы кітапханасының сайтында «Қазақстанның 100 жаңа есімі» ұлттық жобасының финалистері туралы жиі жарияланып тұрады. 
Екатерина Вибе – «Экология» номинациясының 2021 жылғы жеңімпазы, жас ғалым, орманпатологы, Ә.Н. Бөкейхан атындағы Қазақ орман  шаруашылығы және агроорманмелиорация ғылыми-зерттеу институтының бөлім менгерушісі. 
 Екатерина Щучье-Бурабай курорттық аймағының ең үлкен елдімекені– Щучье қаласында туып өседі. 2001 жылы сол жерде Экология және орман шаруашылығы колледжіне оқуға түседі. 

Ғылыми кеңес барысында Қазақстан Республикасы Тұңғыш Президенті – Елбасы кітапханасының ғылыми-зерттеу және ғылыми-білім беру бағдарламаларын жүзеге асыру аясында дайындалатын басылымдарға қатысты алты мәселе қаралды.
Елбасының 2014-2016 және 2017-2021 жылдар аралығындағы ең маңызды баяндамаларынан құралған «Н. Ә. Назарбаев. Таңдаулы сөздер» көптомдығының жалғасы (8-9 том) баспаға әзірленіп жатыр.

Қазақстан Республикасының Тұңғыш Президенті – Елбасы кітапханасы Нұр-Сұлтан қаласындағы Білім беруді жаңғырту орталығымен бірлесіп, жалпы білім беретін астаналық 14 мектептің оқушылары мен мұғалімдеріне арналған «Елімнің еркіндігі – тәуелсіздік» іс-шарасын өткізді. Шара жылдың негізгі мерекесі – Қазақстан Тәуелсіздігінің 30 жылдығына орай ұйымдастырылды.
Өскелең ұрпақтың тарихи санасын қалыптастыру мен дамытуға бағытталған шара №63 мектеп-гимназиясында өтті.

Елбасы кітапханасында Тұңғыш Президент күніне және Тәуелсіздік мерекесіне  арналған іс-шаралар аясында елордалық мектеп оқушыларына, колледж студенттеріне, балабақшалардың тәрбиеленушілеріне, ұжымдарға және қала қонақтарына тақырыптық экскурсиялар өткізілді. Бірегей экспозицияларды мыңнан астам адам тамашалады. 

Қазақстан тәуелсіздігіне – 30 жыл. «Тәуелсіздік дәуірі дегеніміз – ұлттың бұрын өтуі мүмкін еместей көрінетін шыңыраудың шетіндегі таудың қатерлі соқпағымен жүргенмен бірдей құбылыс. Алайда біз оны да бағындыра алдық!», – деді Қазақстанның Тұңғыш Президенті Н.Ә.Назарбаев.

Бүгін Қазақстан Республикасының Тұңғыш Президенті – Елбасы кітапханасында әзірбайжан халқының ұлы ақын-философы Ілияс ибн Жүсіп Низамидің (әдеби лақап есімі – Гәнжауи) 880 жылдығына арналған «Низами Гәнжауи» арт-альбомы мен көрмесінің тұсауы кесілді.
Альбомға Низами шығармаларының негізінде жарық көрген түрлі танымал суретшілердің 100-ден астам жұмысы енген. Үстіміздегі жыл Әзірбайжанда Низами жылы деп жарияланған.

Елбасы кітапханасының қызметкерлері «Қаржы академиясы» колледжінің студенттеріне «Елбасы Н.Ә. Назарбаевтың мемлекеттің қалыптасуындағы тарихи рөлі» көшпелі дәрісін ұйымдастырды. 
Іс-шара Қазақстан Республикасының Тұңғыш Президенті күніне және алдағы Қазақстан Республикасының Тәуелсіздік күніне орайластырылды.
Дәріс барысында тыңдаушылар тәуелсіз Қазақстанның құрылу тарихымен және негізгі кезеңдерімен танысып, сондай-ақ Елбасының мемлекеттің қалыптасуы мен нығаюындағы  рөлі туралы мол мағлұмат алды.  

Бүгін Елбасы кітапханасында Қазақстан Тәуелсіздігінің 30-жылдығына арналған «Көшбасшылық. Тұрақтылық. Өрлеу» халықаралық ғылыми-тәжірибелік конференциясы өтті.

Конференцияны Қазақстан Республикасы Тұңғыш Президенті – Елбасы кітапханасы Қазақстан Республикасы Президенті жанындағы Қазақстан стратегиялық зерттеулер институты мен Нұрсұлтан Назарбаев қорымен бірлесіп ұйымдастырды. 
Іс-шара Қазақстан Республикасы Ақпарат және қоғамдық даму министрлігінің, Қазақстан Республикасы Сыртқы істер министрлігінің, Нұр-Сұлтан қаласы әкімдігінің қолдауымен өтті.  

Бүгін Қазақстан Республикасының Тұңғыш Президенті – Елбасы кітапханасында елордамыз Нұр-Сұлтан қаласының алғашқы құрылысына атсалысқан азаматтармен кездесу өтті. 

Іс-шара Қазақстан Республикасы Тәуелсіздігінің 30 жылдығы мен еліміздің маңызды күніне арналды. 1997 жылдың 10 желтоқсанында Ақмола қаласы, қазіргі Нұр-Сұлтан, Қазақстанның бас қаласы болып жарияланған.