«ЭКО СӘН» БАЙҚАУЫНЫҢ ЖЕҢІМПАЗДАРЫ МАРАПАТТАЛДЫ

ҚР Тұңғыш Президент кітапханасында «Эко сән» қалалық байқауының жеңімпаздарын салтанатты марапаттау рәсімі және дефиле өтті.

Экосән - бұл қоршаған орта мен адам денсаулығына қамқорлық. Бұл жер шарын экологиялық апаттан құтқарудың алғашқы қадамы. Табиғи, экологиялық таза маталардан жасалған заттар адам денсаулығына зиян келтірмей, бізді қорғайды. Мысалы, соя талшығынан жасалған мата зиянды ультракүлгін сәулелерден қорғай алады ұстай алады.

Байқауды ҚР Тұңғыш Президент кітапханасы және Астана қ. Балалар көркемсурет мектебі – ЮНЕСКО клубы ұйымдастырды.

Іс-шараның мақсаты - білім алушылардың экологиялық мәдениетін арттыру, экологиялық жауаптылықты мінез-құлықтың тұрақты дағдыларын қалыптастыру, табиғатқа ұқыпты қарау, сондай-ақ шығармашылық дағдыларды дамыту және сәндік-қолданбалы өнерді насихаттау.

Байқау ағымдағы жылдың 2 қыркүйегінде мектеп жасына дейінгі балалар, сондай-ақ Астана қаласындағы оқу орындарының кіші және орта буын оқушылары арасында жарияланды.

Ұсынылған 100-ден астам жұмыстың 46-сы іріктелді, финалистердің жасы 3-тен 15 жасқа дейін. Костюмдерді Қазақстандағы Суретшілер одағы мен Дизайнерлер одағы мүшелерінің ішінен қазылар алқасы бағалады.

Байқау балалардың назарын қоршаған ортаны қорғау мәселесіне, қалдықтарды қайта өңдеу және қайталама шикізатты жинау мәселесіне аударды. Түпнұсқа костюмдер жасау, мектепке дейінгі және мектеп жасындағы балалардың шығармашылық дамуы мен экологиялық тәрбиесінде қайталама шикізатты пайдаланудың ерекше тәсілдерін анықтау бойынша шығармашылық процеске ата-аналар белсенді қатысты.

Іс-шараның ең әсерлі бөлігі дефиле болып табылады, онда авторлар жас «технологтар» және «дизайнерлер» импровизацияланған құралдардан өз өнімдерін ұсынды. Экологиялық сән идеясының шығармашылық интерпретациясын пластикалық бөтелкелерден, кәмпит орамдарынан, қоқыс пен полиэтилен пакеттерден, бір реттік ыдыстардан, газеттерден, журналдардан және басқа материалдардан жасалған үлгілерден көруге болады.

Материалдарды қайта өңдеу негізінде жоғары сәнді экологиялық вернисаждың жас қатысушыларына кәсіби қолдау білдірген «Асыл Ана Аспара» жобасының танымал дизайнерлері ұсынды.

Байқау материалдарымен келесі сілтеме бойынша танысуға болады: https://elbasylibrary.gov.kz,  «Көрмелер» және «Жобалар» бөлімдерінде.