ҚАЗАҚСТАН РЕСПУБЛИКАСЫ ТҰҢҒЫШ ПРЕЗИДЕНТІНІҢ КІТАПХАНАСЫНДА VІІ «АБАЙ ОҚУЛАРЫ» БАСТАЛДЫ

Елбасы кітапханасы қазақтың ұлы ақыны, дана ойшылы, қазақ классикалық жазба әдебиетінің негізін қалаушы Абай Құнанбаевтың шығармашылығына арналған «Абай оқулары» жыл сайынғы әдеби байқау жариялайды.

«Абай оқулары» жобасының мақсаты: Абайдың әдеби мұрасын насихаттау, Қазақстан жастарының оқу мәдениетін, әдеби талғамын қалыптастыру. 

Әдебиет байқауының шарттары:

1. Абайдың кез келген өлеңін мәнерлеп оқыған сәтін бейнеге түсіру (қазақ, орыс, ағылшын және басқа тілдерде);

2. Түсірілген бейне Instagram әлеуметтік желісіне #ТПКбіздіңАбай2023 хэштегімен жүктелуі тиіс.

3. Байқау 2023 жылғы 1 маусым - 30 тамыз аралығында өтеді.

Әдеби байқаудың қорытындысы бойынша мәнерлеп оқудан үздік оқушылар арнайы дипломдармен, алғыс хаттармен және сыйлықтармен марапатталады. 

Байқауға қатысып, ақпаратпен әлеуметтік желілерде бөлісіңіздер!